Цусан дахь сахарын хэмжээгээ тогтмол барих 8 зарчим

Ёотонтой хүмүүс гэж өөрсдийгөө хэлэх болсон сахарын өвчтэй хүмүүс сүүлийн үед ихэссэн. Энэ өвчнийг бага дээр нь дарж авах, гар хөлөө тайруулахгүйн тулд бүх л чадлаараа цусан дахь сахарыг хэмжээгээ тогтвортой байлгаж багасгах шаардлагатай болоод байна. Иймээс дараах зөвлөгөөг нэг уншаад үзээрэй.

1.     Өглөөний цайн дээр уураг голлосон хүнс идэх

Хэрвээ зөвхөн ганц л зөвлөмжийг хэрэглэе гэвэл уураг голлосон өглөөний цай өдөр бүр уух хэрэгтэй. Хамгийн багадаа 10 г уураг байх хэрэгтэй. Хэрвээ яарч байгаа бол уураг агуулсан шейк уухад хангалттай. Өглөө хамгийн эхэнд уураг хэрэглэснээр өдрийн турш цусны чихэр хэвийн хэмжээнд байх болно.

Уураг ихтэй өглөөний цайны жишээнүүд: өндөг, загас, ногоон навчит ургамал, самран түрхлэгтэй хар талх

2.     Цусны чихрийн ихсэлт нь хүн бүрт өөр өөр байдаг

Бид нэг төрлийн бүтээгдэхүүнд өөр өөр хариу урвал үзүүлдэг. Зарим хүмүүст хар талх цусны чихрийг огцом ихэсгэдэг байхад зарим хүмүүст ихэсгэдэггүй. Жимсэнд агуулагддаг фруктоз сахар нь цусны чихрийн хэмжээг зарим хүмүүст нэмэгдүүлж, бүхэл жимсээрээ идсэн тохиолдолд дээрх нөлөө үзүүлдэггүй. Тиймээс өөрт ямар хүнс хэрхэн нөлөөлж буйг судлах.

3.     Улаан буудайг хоолноосоо хасах

Улаан буудайнд агуулагддаг глютен нь бодисын солилцоонд орохдоо яг л чихэр шиг нөлөөтэй. Хэрвээ үнэхээр цусныхаа чихрийг тогтвортой байлгахыг хүсвэл үр тарианы бүтээгдэхүүн, гурил, талхыг нэг сар хэрэглээд үзээрэй.

4.    Бухимдлын түвшингээ хянах

Хэдийгээр зохистой хооллож байсан ч их стресстэй тохиолдолд цусны чихрийн хэмжээг нэмэгдүүлдэг. Мөн жин ч их нэмэх магадлалтай. Стрессийн үед кортизол даавар ялгарч, кортизол нь цусны сахрыг нэмэгдүүлнэ. Мөн хоосон ходоодон дээр кофе уухад найрлага дахь каффейн нь кортизолын ялгарлыг нэмэгдүүлснээр цусны чихрийн хэмжээг ихэсгэдэг.

5.    Хүнсний нэмэлт бүтээгдэхүүн хэрэглэж үзэх

Хоол хүнсээ сайжруулахын хажуугаар ногоон кофений ханд (Green coffee extract) болон Gymnema sylvestreare зэргийг туршаад үзээрэй.

6.    Стевиа (Stevia) хэрэглэх

Стевиа гэдэг нь маш чихэрлэг амттай ургамал юм. Цусны чихрийн хэмжээг ихэсгэхгүйгээр цай, кофенд чихэрлэг амт оруулдаг.

7.   Их хэмжээний кортизолыг шатаахын тулд дасгал хийх

Стресстсэн үед ялгардаг кортизол нь аюулаас зугтаахын тулд ялгардаг. Ямар нэгэн аюултай тулгарсан үед зугтаах шаардлага гарахад кортизол ялгарч, илүү хурдан, хурц ухаантай болгож, цусанд чихрийг ялгаруулснаар булчингийн агшилтанд энерги болон хэрэглэгддэг байхад өнөөгийн бидний стрессийн үед тийм хариу урвал үзүүлэх шаардлагагүй юм. Тийм болохоор дасгал хийснээр ихэссэн сахрын хэмжээг бууруулах нөлөөтэй.

8.   Хоолны дэглэм барихаа зогсоох

Хэрвээ чихэрлэг хүнс, талх идэх гэж байгаа бол хажуугаар ногооны салат, шош, буурцаг гэх мэт уураглаг бүтээгдэхүүн хавсарснаар цусны чихрээ тогтвортой байлгах боломжтой болдог. Нүүрс-ус нь түргэн шимэгдэж, тухайн үеийн энергийн хэрэгцээг хангах ба харин уураг нь аажим шимэгдэж, дараагийн үйл ажиллагаанд шаардлагатай энергиэр хангана.

Эх үүсвэр: http://www.hungryforchange.tv/article/easy-tips-for-healthy-blood-sugar-levels

СЭТГЭГДЭЛ БИЧИХ