Уруулаа хүссэн хэлбэртээ хувиргаж будаж сурцгаая!

 

Уруулын хүрээг харандаагаар өөрчилж будсанаар нүүрний төрхөө эрс өөрчилж болно. Та 2 ширхэг уруул хүрээлэгч харандаатай болоорой, нэг нь арай тод, нөгөө нь нүүрний өнгөтэй адил. Тод өнгөөр уруулаа хүрээлж, нөгөөгөөр уусгаж будвал жинхэнэ уруулын өнгөөрөө байгаа мэт сэтгэгдэл төрүүлнэ. Уруул хүрээлэгч харандаа нь уруул тодруулахаас гадна уруулын будаг урсгадаггүй сайн талтай.

– Хүрээлэгч харандааны өнгө уруулын будгаас нэг тон бараан эсвэл гэгээтэй байж болно.

– Хэрэв та уруулаа зөв хүрээлж чадна гэдэгтээ итгэлгүй байгаа бол хэд хэдэн цэг тавьж, дараа нь холбоорой.

  1. Нимгэн уруулыг томруулъя гэвэл дээд ба доод уруулын хүрээний гадуур зурж будна.
  2. Хэрэв та том уруултай бол тональ кремээр эсвэл уруулын хүрээгээ бүдгэрүүлж, дотор нь хүрээлэг харандаагаар “шинэ уруул” зур, зөөлөн бүдэгдүү өнгө зүгээр, гялалзсан будаг онцгүй.
  3. Хэрэв дээд уруул жижиг, харин доод уруул пэмбэгэр зузаан бол мөн л хүрээлэгч харандаагаар дээд уруулын гадуур хүрээ хийж, харин доод уруулын хүрээг бүдгэрүүлж, дотор талд нь шинэ хүрээ зурна.
  4. Хэт помбогор уруулыг хүрээг нь бүдгэрүүлж, шинээр нэмж зурна, гэхдээ бүү хэтрүүл. Уруулын будгаа жигд түрхэнэ.

За ингээд янз бүрээр туршаад үзээд байгаарай. Амжилт охид oo!

СЭТГЭГДЭЛ БИЧИХ