Гэдэснийхээ харвингаас хэрхэн салах вэ бүсгүйчүүдээ?

Эмэгтэй хүн махлаг байж болно. Гэхдээ пропорци тохирсон том гэдэсгүй байвал аятайхан харагддаг. Ихэнх эмэгтэйчүүд төрсний дараа гэдэс нь унжих нь их байдаг. Эмэгтэй хүний бие организмын онцлогоос шалтгаалан ташаа, гэдэс, өгзөг орчим өөх ихээр хуримтлагддаг байна. Иймд өв тэгш, сайхан бие галбиртай болохын тулд дасгал хөдөлгөөн хийх аргаар гэдэсний булчинг чангаруулж болно

Нуруун дээрээ хэвтээд гараа биеийн дагуу унжуулж, алгаа шаланд хүргэнэ. Хөлөө дээш нь өргөж энэ байрлалд 5-7 секунт барина. Дараа нь аажим доош буулгана. Дасгалыг 8-10 удаа давтаж хийнэ.
Нуруун дээрээ хэвтэнгээ өвдгөө нугалж, гараа урагш тэнийлгэ. Жаахан өндийгөөд гараа өвдгөндөө хүргэж, анхны байрлалд орно. Үүнийгээ 8-10 удаа давтаж хийнэ. Амьсгаагаа авах үедээ биеэ өргөж, гаргах үед эхний байрлалдаа орно.
Нуруун дээрээ хэвтээд гараа биеийнхээ дагуу унжуул. Хөлөө өргөж өвдгөөр нь нугалаад тавхайгаараа ном хавчина. Өргөж буулган 10-12 удаа давтана.

Хажуу талаараа хэвтэж нэг гараа дээш нь тэнийлгэж, нөгөө гараа бэлхүүс дээрээ тавина. Амьсгаа авах үедээ хөлөө нугалахгүй шулуун чигээр нь өргөж, амьсгал гаргахдаа эхний  байршилд орно. Үүнийгээ 8-10 удаа хийнэ.
Гэдсэндээ тогтмол иллэг хийж байх. Ингэснээр цусний эргэлтийг сайжруулж, өөхөн хуримтлал бий болохоос сэргийлж байгаа юм.Үүнийг нар зөв 15, нар буруу 15 удаа иллэг хийгээрэй.
Шүршүүрт орохдоо ширүүн үстэй сойз юм уу алчуураар өөх хуримтлагдсан хэсгээ иллэг хийх маягаар үрнэ. Мөн хоол идсэний дараа гэдэс орчимд иллэг хийвэл сайн.
Тусгай крем тосыг гэдсэнд иллэг хийж заншвал нэн сайн.
Хүйтэн шүршүүрийн усаар гэдсээ цохих. Энэ нь таны хуримтлагдсан өөхийг задалж өгч байгаа юм.

 

СЭТГЭГДЭЛ БИЧИХ