Бүсгүй таны амжилтын зурхай

 Эрхэм бүсгүй таны амжилтын зурхайг толилуулж байна. Та яг одоо ажил мэргэжлээ солих гэж байна уу?, эсвэл илүү өндөр албан тушаалтай болох талаар бодож байна уу?. Үгүй бол шинээр бизнес эхлэхээр зэхэж байна уу?. Тэгвэл зурхайн толинд таны амжилтын замыг хэрхэн дүрсэлснийг хамтдаа сонирхъё.

Хонины орд

/III.21-IV.20/

Одод хонины ордны бүсгүйчүүдэд цог жавхаа, амжилтыг харамгүй хайрлажээ. Тиймээс ч энэ ордныхон амбийцтай, идэвхтэй, тэргүүлэгч, хамт олныхоо лидер нь байдаг бөгөөд тавьсан зорилгодоо ядах юмгүй хүрдэг. Тэрээр өөрийнхөө төлөө болоод бусдынхаа өмнө шийдвэрийг амархан гаргадаг. Эргэж буцаж цаг алддаггүй. Хэн нэгний ивээлд найдалгүй өөрөө өөрийнхөө ажилд бүрэн хариуцлагаа хүлээдэг. Бас тэр их бие даасан чанартай. Бүтээлч, хаана ч байсан түүний ул мөр амжилтаар нь илэрч байдаг. Тиймээс ч энэ ордны бүсгүйчүүд ихэнхдээ менежер, улстөрч, уран илтгэгч, сэтгүүлч, бизнесмэн, салбарынхаа лидер нь байдаг.

Үхрийн орд

/IV.21-V.21/

Үхрийн ордны бүсгүйчүүд маш зоримог. Тэрээр юу хүсч байгаагаа, юунд хүрэхээр тэмүүлж буйгаа маш сайн мэддэг бөгөөд хэрхэн хүрэх арга замаа ч мэдэж байдаг. Түүний тууштай, найдвартай, ажилдаа хичээнгүй, бие даасан байдал нь байгууллагад нь түүний гэх хүрээллийг үүсгэдэг. Үүгээрээ ч тэрээр даргынхаа баруун гар, байгууллагынхаа гол нүүр царай нь болж байдаг. Хариуцлагатай үхрүүд хариуцсан салбартаа хэрэгтэй шийдвэрийг нь хэрэгтэй цагт нь гаргаж чаддаг. Ийм ч учраас энэ ордны бүсгүйчүүдийн дундаас тэргүүний малчин, фермер, инженер, жүжигчин, хөгжимчин, эмч зэрэг хариуцлага өндөртэй мэргэжилтнүүд төрөн гарах нь элбэг. Хэдийгээр тэдний сонгосон ажил нь тэдний зорилго нь биш байсан ч тэд хариуцлагаа ямагт ухамсарладаг учраас тэргүүлэгчид нь байдаг.

Ихрийн орд

/V.22-VI.21/

Ихрүүдийн бахархмаар хариуцлагатай байдал нь амжилтынх нь үндэс юм. Гэвч тэд зөвхөн өөрийнхөө сонгож авсан маш тодорхой салбарт л энэхүү давуу талаа нээн харуулдаг. Энэхүү тогтсон хэв загвар нь тэдний ихэр гэдэг утгатай холбоотой учраас тэр. Тиймээс тэд байнга хоёрдмол сэтгэж, гэнэт өөрчлөгддөг зантай нь зарим зүйл авцалддаггүй. Нэг газраа удаан тогтдоггүй, нэгээс нөгөөд байнга шилжиж байдаг зантай. Заримдаа уйтгартай нэгэн хэвийн байдалд орчихдог тэдний сул тал бол няцашгүй зоригоор дутагддаг үе нь юм. Тэрээр гэнэтхэн л хэний ч санаанд ороогүй байхад од шүүрч чадна. Гэвч заримдаа эсрэгээрээ. Тэдний нэгэн хэвийн зан төлөвийн илэрхийлэл бол нэгэнт орсон ажлаасаа тийм ч хурдан хөндийрдөггүй явдал. Гэвч тэд шинэ зүйлийг туршиж, өөрийн хоёрдмол байдлаасаа ангижирч чадвал шилдэг илтгэгч, улстөрч, бизнесмэн, худалдаачин, сэтгүүлч ч болох боломжтой. Энэ тохиолдолд тэдэнд оддоос илгээсэн хамгийн хүчирхэг чанарууд нь илэрч жинхэнэ төгс амжилтын эзэд болно.

Мэлхийн орд

/VI.22-VII.22/

Мэлхийн ордныхныг байгаадаа сэтгэл ханадаг, илүүг нэхдэггүй хүмүүс гэж андуурах хэрэггүй. Тэд зорилго тавиад түүндээ хүрэхээр шийдсэн бол хашир, хүлээцтэй, анхааралтай алхам алхмаар урагшилсаар үр жимсийг түүчихдэг шаггүй өрсөлдөгчид. Түүнийг хүчирхэг өрсөлдөгчидтэй нь харьцуулбал амжилтынх нь зам яльгүй цөөхөн алдаатай байх нь ч бий. Ингэлээ гээд энэ нь түүнд харин ч давуу талуудыг олгож, өөр хэн ч оргилд хүрч чадахааргүй амжилтын эзэн болох гарцыг нь нээж өгдөг. Мэлхийн ордны бүсгүй өөрийгөө ямар ч салбарт нээн илрүүлж чадна. Ялангуяа, худалдаа, хоол үйлдвэрлэл, үл хөдлөх хөрөнгө зуучлал, банкны салбарын бизнест ч тэрээр одтой нэгэн.

Арслангийн орд

/VII.23-VIII.23/

Арслан бол төрөхөөсөө л хаанчлахаар заяагдсан нэгэн. Түүний эрхэлдэг албан тушаал нь хязгаарлагдмал байлаа ч тэрээр өөрийгөө бусдаар хэрхэн хүрээлүүлэх, хэрхэн хариуцлагатай шийдвэр гаргах талаараа нэгд нэгэнгүй мэдэж байдаг. Тэрээр төрөхөөсөө л маш туршлагатай байдаг нь гайхмаар. Арслангийн ордны бүсгүй хэзээ ч мөрөөдлийн хийсвэр төсөл боловсруулж түүндээ цагаа үрэхгүй. Тэрээр зөвхөн ашигтай, боломжтой, бодитой зүйлд л өөрийгөө дайчилдаг. Энэ чанарууд нь арслангийн ордныхныг хамгийн хүчирхэг ажилтан, албан хаагч болгоод зогсохгүй тэргүүн эгнээний удирдагчийн албан тушаалд хөтөлдөг. Тэрээр зөвхөн ажлаа хийгээд зогсохгүй тойрон хүрээлэгчдэдээ ч туршлага, амжилтын замналаасаа хуваалцахаас цааргалдаггүй. Ийм л учраас энэ ордны бүсгүйчүүдийн дундаас нэртэй улстөрч, эмч, багш, жүжигчин, найруулагч, хуульч, өмгөөлөгч, зохиолч төрөн гардаг билээ.

Охины орд

/VIII.24-IX22/

Шургуу хичээнгүй охины ордныхон ажил олгогчийнхоо хувьд хамгийн чухал ажилтан нь байдаг. Тэрээр зөвхөн сайн ажилтан байгаад зогсохгүй шударга, эрүүл саруулаар дүгнэж цэгнэх чадвартай гоц нэгэн. Хэрэв та төгс санаагаа хэрэгжүүлж хамгийн чухал үр дүнг хүлээж байгаа бол танд охины ордныхноос илүү гарах мэргэжилтэн олдохгүй. Гэвч энэ ордныхон зөвхөн албан тушаал харж шургуу зүтгэдэггүй. Учир нь тэдний төрөхөөс л энэ чанар нь цусанд нь шингээстэй байдаг. Энэ чанарынхаа ачаар охины ордны бүсгүйчүүдтйн дундаас ажил мэргэжлээрээ манлайлсан нягтлан бодогч, хэвлэл мэдээллийн ажилтан, үйлчилгээний ажилтан, шинжлэх ухаан, анагаахын салбарын тэргүүлэгчид, менежерүүд, банкирууд төрөн гардаг юм.

Жинлүүрийн орд

/IX.23-X.22/

Нягт нямбай жинлүүрийнхэн ажлын байрандаа алдаа гаргах нь юу л бол. Ийм ч учраас тэд хүчирхэг хамт олноор өөрийгөө хүрээлүүлж чаддаг нэгэн. Тэдний нягт нямбай байдал нь бизнес дэх оролцоогоо тэнцвэртэй, жигд үргэлжлүүлэхэд нь завшаан болдог байна. Тэд маш идэвхтэй, тэдний ажил хэзээ ч замбараагүй байдаггүй. Жинлүүрийн ордны бүсгүйчүүд энэ чанараараа сайн дипломатч, хэвлэл мэдээллийн ажилтан, эрүүл мэнд, шударга ёсыг сахин хамгаалагч, сайн улстөрч болдог байна.

Хилэнцийн орд

/X.23-XII.21/

Хилэнцийн ордныхон бол ялахаар төрсөн хүмүүс. Тэдний зорилго нь итгэл дээр тодорч, хариуцлагатай, тууштай байдлаараа бүхнийг ялан дийлдэг. Тэдний хүрсэн оргил бүхэн нь тэдний хүсэл байдаг. Хилэнцийн ордны эмэгтэй зорилгодоо шуурхай зүтгэж, замдаа таарсан саад бэрхшээлд бууж өгдөггүй. Түүний хүчирхэг оюун ухаан, зөн билэг, төгс хөгжсөн дасан зохицох чадвар нь ямар ч хаалгыг нээх түлхүүр нь болдог байна. Хилэнцийнхний энэхүү авъяас сонгож авсан ямар ч мэргэжилд нь нүдээ олж байдаг. Тэд жинхэнэ лидер, бүх зүйлд хариуцлагатай нэгэн байж чадна. Хилэнцийн эмэгтэйчүүдийн дундаас гүн ухаантан, сэтгүүлч, сэтгэл судлаач, сэтгэл судлалын эмч, зохиолч, мэс засалч, судлаач, мөрдөгч төрдөг байна.

Нумын орд

/XI.22-XII.21/

Нумын ордныхон хөнгөн, яг л салхи шиг. Энэ байдал нь ажилд нь давуу тал бас сул тал ч болдог. Тэрээр үүсээд байгаа саад бэрхшээл болоод дарамт шахалтыг таньж чаддаггүй. Түүний хувь хүний эрх чөлөөг хязгаарласан ажил үүрэг гарч ирэхэд ч түүнээс өөрийгөө чөлөөлөхөд түүнд хэцүү байдаг. Түүнчлэн түүний удирдлага түүнд ямар урхи занга тавьсныг ч тэрээр таньж мэдэж чаддаггүй. Энэ чанарууд нь нумынхны амжилт болоод ахиц дэвшилд төдийлөн сайн нөлөө авчирдаггүй. Гэвч ингээд бүх юм дуусчихгүй шүү. Тэдэнд өөрийн гэсэн авъяас билэг бий. Урам зоригтой, чин сэтгэлээсээ ажилдаа ханддаг, шударга шулуун зан чанар нь түүнийг чухал мэргэжилтэн болгодог. Нумын ордны бүсгүйчүүд харилцаа холбоо, яриа хэлэлцээ тэр ч бүү хэл эрсдэл ихтэй салбарт ч ажиллахаас цааргалдаггүй. Энэ ордныхны дундаас худалдааны төлөөлөгч, сурталчилгааны мэргэжилтэн, тамирчин, жүжигчин, өндрийн нислэгийн үзүүлбэр хийдэг нисэгч, сэтгүүлч төрөн гардаг.

Матрын орд

/XII.22-I.20/

Энэ ордныхон хамгийн шилдэг ажилтан, албан хаагчдын нэг байдаг. Тэр амбийцтай, зорилготой, ажилдаа дуртай, хүчирхэг. Эдгээрт лидерт байх ёстой шинжүүд тэр чигтээ багтжээ. Удаанаар урагшилдаг ч тэрээр оргилд хүрнэ гэдэгтээ итгэлтээ байдаг, тэгээд ч түүний зөв байдаг. Энэ олон давуу талынхаа үрээр тэрээр гүн ухаантан, багш, эмч, инженер, менежер, үнэт эдлэлийн худалдаачин, судлаач ч болж чадна.

Бумбын орд

/I.21-II.19/

Бумбын ордныхон бол суутнууд. Тэдний гайхамшигтай чанарууд нь ажил мэргэжилд нь нөлөөлдөг. Тэдний суут ухааныг үл тооцвол амжилтад хүрэх зам нь бартаа ихтэй. Ийм нөхцөлд тэрээр шинэ санаагаа захиралдаа ойлгуулж, таниулна гэдэг бүр ч бэрх. Эрх чөлөөнд дэндүү хайртай бумбынхан өдөр бүрийн ажилд нь нягт нямбай байдал болоод хичээнгүй байдал чухал гэдгийг хайхардаггүй. Учир нь тэдний хэв маяг бол зөгнөлт төсөөлөл бөгөөд үүнийг мэдээж ажил хэрэг болгох амаргүй шүү дээ. Харин түүнд эрх чөлөөг нь хязгааргүйгээр гаргаж өгч чадвал тэд ажилдаа амжилт гаргана. Ингэснээр түүнээс хүрч боломжгүй төгс амжилтыг хүлээх л үлдэнэ. Энэ нь ч бодитой үр дүнгээ үзүүлдэг. Ийм болохоор бумбынхны дотроос “чөлөөт” хэмээх шошгыг энгэртээ наасан худалдааны зохион байгуулагч, зохиолч, сэтгүүлч, сурталчилгааны мэргэжилтэн төрдөг.

Загасны орд

/II.20-III.20/

Загасны ордныхон маш авъяаслаг боловч хүссэн бүхэндээ хүрээд байж чаддаггүй. Тэдний хувьд амбийц, алдар нэр, мөнгө, хүч чадал хол сонсогддог. Харин тэд зүгээр л ярихыг илүүд үздэг. Ийм болохоор тэд амжилтын замаа олж харах, түүндээ ороход бэрхшээл саад мундахгүй. Хариуд нь тэд гэнэт хаана нэгтэйгээс хэн нэгэн гарч ирээд түүнд хэрэгтэй бүхнийг бий болгож өгнө гэж боддог. Хэрэв зохиолч ч юм уу эсвэл менежер хүн энэ ордод төрөөд авъяас билгээ мөнгөний зүг чиглүүлж чадвал мэдээж загаснууд тун хурдан баяжина. Тиймээс загаснуудын хувьд өөрийн зорилгоо хэрхэн тодорхойлох, урсгалыг хэрхэн сөрж сэлэхэд сурах нь чухал юм. Энэ тохиолдолд тэд хүссэн өндөрлөгтөө хүрэх болно. Эдгээрийг зохицуулж чадсан загаснуудын дундаас зураач, дуучин, хөгжимчин, гоо сайханч, стилист, урлагийн сургуулийн багш нар төрөн гарсан байдаг билээ.

СЭТГЭГДЭЛ БИЧИХ